Aðalfundur Bifhjólasamtaka lýðveldisins, Snigla, var haldinn laugardaginn 7. mars 2026 og fór hann vel fram með ágætri þátttöku félagsmanna. Á fundinum var farið yfir starfsemi félagsins á liðnu starfsári og helstu verkefni framundan. Samkvæmt dagskrá fundarins var skýrsla stjórnar kynnt og farið yfir helstu áherslur og verkefni ársins. Einnig var ársreikningur félagsins lagður fram og yfirfarinn, ásamt rekstraráætlun komandi árs. Þá var flutt áhugaverð kynning um starfsemi FEMA, sem vakti góðar umræður meðal félagsfólks. Að lokum voru tekin fyrir önnur mál. Allar tillögur og mál sem lögð voru fyrir fundinn hlutu samþykki. Á fundinum urðu breytingar á stjórn félagsins. Jokka G. Birnudóttir, varaformaður, Sigurjón Hansson, ritari, Guðlaugur Jónsson, meðstjórnandi, og Ragna Berg Gunnarsdóttir, í varastjórn, létu af störfum eftir mikilvægt framlag til félagsins á undanförnum árum. Félagið vill færa þeim innilegar þakkir fyrir þeirra störf, tíma og eldmóð í þágu félagsins og félagsfólks. Til setu í stjórn voru kjörin Pétur Gunnarsson í aðalstjórn, Logi Már Einarsson í aðalstjórn, Gunnar Gunnarsson í varastjórn og Anna Guðný Egilsdóttir í varastjórn. Við bjóðum þau hjartanlega velkomin til starfa og hlökkum til samstarfsins framundan. Framundan eru ýmis verkefni sem stjórn félagsins mun vinna að á næstu mánuðum. Þar á meðan stendur til að hefja vinnu við að finna nýtt húsnæði fyrir Snigilana, sem er mikilvægt verkefni fyrir starfsemi félagsins til framtíðar. Auk þess er framundan hefðbundið félagsstarf, þar á meðal undirbúningur vorfagnaðar, 1. maí keyrslan, opin hús, grill og fleira. Lóan er komin og því styttist í að við fáum að viðra fákana okkar. Farið varlega og komið heil heim. Stjórn Snigla

Við leitum að öflugu fólki í stjórn Nú er brýn þörf á að styrkja stjórn félagsins og við leitum að áhugasömum einstaklingum til að taka þátt í starfinu. Laus eru: 2 sæti í aðalstjórn (kjörtímabil 2 ár) 2 sæti í varastjórn (kjörtímabil 1 ár) Stjórnarseta er gefandi og skemmtilegt verkefni þar sem þú færð tækifæri til að hafa raunveruleg áhrif. Við vinnum saman að því að efla starf félagsins, bæta öryggi bifhjólafólks og standa vörð um réttindi þess. Í stjórn starfar samhentur hópur með góðan starfsanda og metnað fyrir málefninu. Starfið felur í sér þátttöku í fjölbreyttum verkefnum og viðburðum – og ekki síður góðan félagsskap. Margar hendur vinna létt verk og framlag hvers og eins skiptir máli. Ef þú hefur áhuga á að leggja þitt af mörkum og taka þátt í öflugu starfi, hvetjum við þig til að gefa kost á þér. Framboð sendast á stjorn@sniglar.is Við hlökkum til að heyra frá þér. Tilkynning um breytingu í stjórn Vegna persónulegra aðstæðna hefur Guðlaugur Jónsson ákveðið að stíga til hliðar frá aðalstjórn félagsins, en hann átti eitt ár eftir af kjörtímabili sínu. Steinmar Gunnarsson tekur sæti í aðalstjórn úr varastjórn í hans stað. Fyrir hönd stjórnar.

Aðalfundur Snigla 7.mars 2026 Fundurinn verður haldinn í húsnæði Fornbílaklúbbs Íslands að Ögurhvarfi 2, 203 Kópavogi Húsið opnar kl 11:30 en fundur hefst stundvíslega kl 12:00. ( biðjum ykkur að leggja bak við húsið ) Það eru allir velkomnir á fundinn en einungis greiddir Sniglar hafa kosningarrétt. Dagskrá : 1. Setning fundar 2. Kosinn fundarstjóri 3. Fráfarandi stjórn gefur skýrslu 4. Gjaldkeri leggur fram ársreikning 5. Umræða um ársreikning og skýrslu stjórnar 6. Gjaldkeri leggur fram rekstraráætlun komandi árs 7. Ákvörðun félagasgjalda fyrir næsta ár 8. Lagabreytingar ef einhverjar eru – Tillaga að breytingu á grein 10: Tillögur til lagabreytinga skal senda stjórn skriflega eigi síðar en 15 dögum fyrir aðalfund.  Allar þær tillögur að lagabreytingum sem berast innan tilskilinna tímamarka skal stjórn kynna orðrétt með birtingu aðalfundarboðs á heimasíðu Snigla 9. Kosning í stjórn 10. Kosning tveggja skoðunarmanna 11. Önnur mál – húnsæðismál 12. Fundarslit Stjórn Snigla er samansett af fimm manns: Það er formaður og fjórir stjórnarmenn. Formaður er kosinn til tveggja ára í senn Seta stjórnarmanna er tvö ár í og skiptist þannig að tveir fara út í einu. Þrír varamenn í stjórn skulu kosnir til eins árs í senn. Þorgerður Hoddó Guðmundsdóttir formaður , situr áfram í stjórn í eitt ár í viðbót Jokka G Birnudóttir varaformaður , er að ljúka sinni setu en gefur ekki kost á sér áfram Guðrún Fjóla Guðmundsdóttir gjaldkeri , situr áfram í stjórn í eitt ár í viðbót Sigurjón Hansson ritari , er að ljúka sinni setu en gefur ekki kost á sér áfram Guðlaugur meðstjórnandi , situr áfram í stjórn í eitt ár í viðbót Að sitja í stjórn Snigla er skemmtilegt og krefjandi starf, við höfum unnið náið með samgöngustofu, Vegagerðinni, borgaryfirvöldum og lögreglu í allskonar verkefnum ásamt því að vinna í allskyns herferðum Stjórnin vinnur með hagsmuni mótorhjólafólks í fyrirrúmi og erum í góðri samvinnu við FEMA Svo eru skemmtilegu verkefnin eins og skipulagning 1.maí keyrslan, vorfundurinn ljúfi, fjölskyldugrill og ekki má gleyma öllum opnu húsunum þar sem við fáum að hitta allt skemmtilega fólkið. Þar hafa ýmsir stigið á stokk, kynnt sig og sína, höfum fengið allskyns fræðsluefni, auk þess að fá beint samtal við hinar og þessar stofnanir Við gerum kröfu um að fólk sem gefur sig fram til starfa fyrir Snigla, hafi tíma, áhuga og getu til að vinna að hagsmunum bifhjólamanna. Þetta allt gerist ekki að sjálfu sér! Við óskum eftir fersku fólki í stjórn með okkur og nú má unga fólkið endilega leggja okkur lið 😎 Samfélagsmiðlar eru orðnir jafnsjálfssagðir og tíkallasímarnir voru hér áður og okkur vantar td einhvern hugmyndaríka/nn aðila í það Endilega heyrðu í okkur, komdu í framboð, sumarið er handan við hornið og nóg að gera! Samtakamáttur mótorhjólafólks á Íslandi fer núna vaxandi og við þökkum stuðninginn við starfið á liðnu ári. Það er með greiðandi félögum okkar sem hægt er að halda úti öflugri starfssemi og hagsmunagæslu. Við viljum því nota tækifærið og minna alla á að greiða greiðsluseðlana í heimabankanum, fyrir aðalfundinn, og þökkum fyrir stuðninginn um leið og við bíðum full eftirvæntingar eftir hjólasumrinu 2026. Kær kveðja stjórn Bifhjólasamataka, lýðveldisins Sniglar.

Halló bifhjólafólk! Nú líður að aðalfundi Snigla og okkur vantar þig með okkur. Þar sem tveir fara úr stjórn þarf fólk í fólks stað og nú er þitt tækifæri til að láta til þín taka. Öryggi bifhjólafólks er okkur öllum hugleikið og alltaf hægt að bæta um betur. Skipulagning á viðburðum, utanumhald, útsjónarsemi, skemmtilegheit og uppfinningarsemi er kostur, áhugasemi sem og frumkvæði. Það eru allskonar verkefni sem lýtur að stjórninni og getum við lofað því að þau eru flest ef ekki öll skemmtileg. Endilega skelltu þér í framboð, og komdu með Framboð sendist á netfangið stjorn@sniglar.is ásamt stuttri kynningu á ykkur.

Kröfur vegna félagsgjalda 2026 hafa nú verið sendar í heimabanka félagsfólks. Við hvetjum ykkur til að líta í heimabankann ykkar. Ef einhverjar spurningar vakna, ef þið teljið ykkur hafa fengið kröfu fyrir mistök eða viljið ganga hóp félagsfólks, er ykkur velkomið að hafa samband við gjaldkerisnigla@gmail.com Skemmtileg dagskrá að venju framundan hjá okkur Sniglum, meðal annars opin hús, Vorfagnaður, 1.maí , fjölskyldugrill og fl. Sjáumst og komum heil heim. Kv Stjórn Snigla.